Press Release in IBan about accident by Ambulance from Sri aman hospital 06.07.2011

6 July 2011
DAP Sri Aman madah ka penyinu ati ngagai sida niang Mura ak Mugor ka empu penusah, arap sida ulih besabar enggau penusah ti nuntung sida.
DAP Sri Aman mega madah deka nulong sida niang Mura ak Rugor ari atur undang-undang enggau bakani cara sida ka empu penusah tu deka nyelesai ka kes ti udah nyadi ba niang Mura. DAP Sri Aman ka nguji berandau enggau ka bempu penusah tang bedau bisi saut ari sida ia .
Tu meh kabuah kami ari Dap Sri Aman nadai kala berenti nandu ka isu Sepital Sri Aman kelebih agi Datuk Francis Hardin ak Ulis ka udah menang berpilih ba Sri Aman tu tadi lalu nyadi menteri . Datai ka sari tu, kemaia sepital baru sri aman ka digaga? Datai kemaia rayat ba Sri Aman diperinsa laban penusah perengka sepital ka nadai kala cukup, ambi ka banding baka ubat , urang ka gawa ba sepital , wad enggau doctor pakar . Sepital Sri Aman alu bedau kala betukar ari 1962 kelia, ngenang ka semua bahagian bukai udah digaga ka sepital baru magang.
DAP Sri Aman nadai nyalahka bala sida ka gawa ba sepital Sri Aman laban kami nemu sida ia maioh pengawa ka digaga. Ambi ka banding driver ambulan ka accident mai niang Mura ak Rugor tu tadi nyau 2 kali udah pulai mansang ka sepital Kuching dalam tempoh 12 jam . Dini alai driver bukai maia nya lalu dini alai ambulan ka bukai? Baka kes ka nyadi ba niang Mura ak Rugor tu , ka beranak pan nyau dianjung ka sepital Kuching ketegal sepital Sri Aman nadai cukup doktor ngintu niang tu kemari . Enti nitih kes ka baka tu, nadai patut nyadi ba kitai di Sri Aman.
Nya alai DAP Sri Aman diatu deka nanya baru, kemaya sepital baru Sri Aman deka digaga , laban maia berpilih bulan April tu tadi, sida Barisan Nasional madah ka sida deka ngaga sepital udah berpilih tu kemari, tambah mega bajet kena ngaga sepital udah dipadah ka Perdana Menteri Datuk Seri Najib Tun Razak madah ka 200 juta udah diluluska kena ngaga sepital baru Sri Aman. Diatu udah nyau ka 3 bulan udah tembu bepilih, kemaya sepital baru ka digaga pan bedau temu. Datai kemaia ayat Sri Aman deka diasoh merinsa enggau penusah nadai sepital ti moden?
LEON JIMAT DONALD
PENGERUSI DAP SRI AMAN